პარტია „კონსერვატიული მოძრაობა“ სამეგრელოს რეგიონში ოფისების დაფუძნებასა და სამუშაო შეხვედრებს განაგრძობს. პარტიის ლიდერები დღეს ზუგდიდის ოფისის ადმინისტრაციული ჯგუფის წევრებს შეხვდნენ და მათთან ერთად, სამომავლო გეგმები და საორგანიზაციო საკითხები განიხილეს. „ალტ-ინფოს“ ჯგუფი რეგიონის მასშტაბით საქმიანობას აქტიურად აგრძელებს და ადგილობრივი ოფისების ხელმძღვანელებს ხვდება.
„კონსერვატიულმა მოძრაობამ“ შეხვედრები უკვე გამართა აბაშის, ხობისა და წალენჯიხის ოფისების ადმინისტრაციული ჯგუფების წევრებთან.
შეგახსენებთ, „ალტ-ინფოს“ ჯგუფმა პარტიის ყრილობა 20 ნოემბერს გამართა. ყრილობას 300-ზე მეტი დელეგატი ესწრებოდა, რომელთაც პარტიის ხელმძღვანელობა აირჩიეს. „კონსერვატიული მოძრაობის“ თავმჯდომარე ზურაბ მახარაძე გახდა, ხოლო პარტიის გენერალური მდივანი გიორგი ქარდავაა. პარტიის მმართველი საბჭოს წევრები არიან: ირაკლი მარტინენკო, ირაკლი მორგოშია, გიორგი ქარდავა და ვასილ გვილია.
სარევიზიო კომისიაში შედიან ემრე ქუჩუქი, გიორგი მორგოშია და ალექსანდრე ქარდავა.
